الحب جناااااااااااااااااان

وهناك قالتلى انا بحبك و حبك عاملى جنان

قمت ضحكت وقولتلها شوفى هاتاخدى شيبسي ولا كان

و4لا اقولك ماشيها لبان

يا ماما الحب ده كان زمان

ايام ماكنتى تحلمى بالفارس اللي بيجى عالحصان

دلوقتى احنا شباب تعبان

لا لاقى ياكل ولا لاقى حق الدخان

وبعد الحب تقوليلي ماقدرش استغنى عنك ولازم نتجوز يا مان

انتى ناسية مشكلة الاسكان

ولا فرش الصالة والمطبخ وستايرها الستان

و اوضة النوم اللى لازم يبقى خشبها زان

ده كله كوم والشبكة كمان

انتى عارفة الدهب بقى بكام

وبعديان مش لما نلاقى شغل فى اى مكان

فى البطالة اللى بقت مالية البلدان

يا ماما ده زمننا ده عايز شاب سوبر مان

او الواحد يطلعلوا مارد من الفنجان

صدقينى احنا شباب تعبان

بيقضى يومه عشان ينسى لحد ما ينام

ومايفكرش فى مستقبله اللى مالهوش ملامح ولا الوان

وفيها اللى بينسى بالمخدارات والادمان

ويقولك الدنيا دى مالهاش امان

صدقينى اللى بيقعد يفكر فى حاله اخره هايبقى المورستان

اقولك.. احنا نقديها رنات او حتى باليل عالشات

ونقعد ع الفيس بوك ونكتب لبعض كومنتات

و اوعدك اول ما ابويا يشحنلى رصيد هابقى ابعتلك مسجات

وسيبك من الحب والاشتغالات

يلى بقى شوفى مين هايحاسب عالحاجات

او ادفعى انتى انا مش لسه عازمك الشهر اللى فااااات