طهقانه

نا طهقانة من جوزي و عمايله وتصرفاته اللي تطهق بلد.. وهحكيلكم عن عملة من عمايله اللي تفرس....كنا قاعدين في الفود كورت في مول كبير انا وهو على ترابيزة واحدة والاولاد راحو يلعبوا و مستنيين واحد صاحبه ومراته عازمينهم على العشا>> و احنا قاعدين مستنيينهم قام يشتري سوفت درينك قبل ما ييجوا وساب موبيله اخذت الموبيل ودعبست فيه لقيته كاتب اسمه في البلوتوث: الجامد > ايه يا ابن الايه جامد ايه ييجوا يشوفوا الجامد >> > >>رجعت الموبيل زي ما كان ولا كاني شفت حاجة وشوية و رجع... وشوية كمان وصاحبه ومراته وصلوا وانقسمنا فريقين الستات على ترابيزة والرجاله على ترابيزة>> > >>وانا قاعدة معاها فتحت البلوتوث بتاع موبيلي وكتبت الاسم: احب الجامد>> > >>ورحت باعتاله مسج دلع لقيته استقبلها وراقبته لقيت عنيه لمعت وبانت عليه السعادة والرغبة في البلبطة في بحر المغامرة>> > >>طيب لما نشوف حتوصل لحد فين>> > >>راح باعتلي مسج فيها رقم موبيله و سميل فيس>> > >>اوبّا.. بقى كده طيب استنى عليا اما لعبّتك على الشناكل طلبت من صاحبتنا نقوم نتمشى ونلف على محلات الاكسسوارات وانتهزت الفرصة ودخلت محل موبيل و اشتريت خط هوليداي من اللي بيشتغل 45 يوم و يفصل ورحت مزوغة من صاحبتنا وهي بتسأل على اسعار حاجات في المحل و طلبته و غيرت صوتي وكلمته بدلع واخنفيت...اصل انا لما ادلع اخنف الله يمسيكي بالخير يا سكيننة
أنا : انوووو
هو : ايوا نعم انا الجامد
أنا :ازيك
هو : كويس ازيك انتي؟
أنا: كويسه انت قاعد فين
هو : انا في الفوت كورت قدام محل ولابس قميص
أنا: اه شايفاك ده انت هاندسم خالص مالص
هو بيضحك ببلاهة : هاهاها متشكر يا قمر
عرف منين اني قمر الكذاب.. استنى عليا
أنا :طيب اشوفك تاني ازاي؟
هو : اتصلي بيا بس قبل 4 العصر بس استني انتي قاعدة فين و لابسة اية و ..و
قاطعته
أنا : اشمعنى بعد 4 انت متجوز؟
هو : لا لا لا...بس علشان نبقى براحتنا
يانهار مش فايت.. امال 11 سنة جواز دول اية؟ والعيال اللي ملقحة دول ولاد مين
أنا : طيب يلا باي بقى
هو : استني عايز اشوفك انت قاعدة فين؟

قفلت الخط و بقيت عايزة اشتري ايد هون وانزل بيها على نافوخه بس مسكت نفسي و قلت والنبي لشخلعه واهشكه وافرجه >>رجّعت الشريحة بتاعتي في الموبيل و اتصلت بصاحبتنا ورجعنا قعدنا على الترابيزة معاهم وكبست على نفسه لحد ما روحنا وهو طول القاعدة عينه زايغة و عمال يبص على كل واحدة حولينا فاكرها هي الزبونة اللي اتصلت.. وانا قاعدة جنبه و لا حاسس بيا...و احنا مروّحين لقيته منشكح و منهرش و عمال يصفر ويطبل على الدريكسيون اكنّ فرح خالته .. عملت روحي مش مركزة و قعدت اتكلم مع العيال في اي كلام...تاني يوم راح الشغل و على الساعة 11 اتصلت بيه من الشريحة اياها

أنا :انوووو منا خنفه وبدلع
هو : اهلا يا جميل
أنا: وحشتني
هو: انتي اكتر كده برضه متخلنيش اشوفك
أنا: استنى بس مش نتعرف الاول وبعدين نتقابل
هو: طيب حشوفك امتى

يا نهارك مش فايت و كمان عايز تقابلها مع سبق الاصرار والترصد

أنا: انت عندك كام سنة؟
هو: 30 سنة وكام شهر
يا ابن الكذابة مواليد 60 و لسة 30 سنة ليه كنت واخد عشر سنين اجازة
أنا: ياه انت كبير عليا انا 25
هو: وماله هو في احلى من كده
أنا: بس انا شايفة شعر ابيض في راسك امبارح؟
هو: ها ها ها ها لا ده من الخضة
أنا: هيهيهيهيهي>> > >>بدلع بس من جوه بابور مولع
هو: طيب انتي بتشتغلي فين؟
أنا: حسب ساعات و ساعات
هو: طيب>> > >>قاطعته: باي بقى اكلمك بكرة في نفس الميعاد>> > وقفلت الخط وانا مولعة وفاضلي لتر بنزين وانفجر وفضلت كده اتصل اتدلع عليه و مديلهوش اي معلومات عني خمس ايام لحد يوم الخميس وطبعا سمعني كلام عجب و كذب يودي كلية الطب وقالي نكت عمره ما حكهالي وهراني مسجات معاكسة و ادالت وغرام و اخيرا فاض بيا وقلت لازم اكشفه قدام نفسه>> > >>اتصلت
أنا : انووووو
هو: اهلا يا حبي
حبي؟!! و انا كل ما اتصل بيه و انا مراته يقولي نعم يا ماما و لو حد >>ساله مين>>
يقوله... البيت

أنا: فاضي بكرة الصبح عندي تدريب في الناتي وعايسة اشوفك
هو: طبعا.. الساعة كام
أنا: 12 كويس؟
هو: اوك يا قمر
أنا: اوك سلام
هو: استني لحظه بس هعرفك ازاي؟
أنا: زي ما قلتلك قبل كده انا شبه نيكول سابا بس الصراحه عنيا مش زرقة >>عنيا خضرا وهكون لابسة شورت تنس وبادي بينك
هو: اتفقنا يا قمر

وطبعا انا حسيت بالريالة بتنزل على سماعة التليفون وهو بيقول العبارة الاخيرة>> دي.. استنى... اما نشفت ريقك..ولما روّح سبع البرومبة قلتله عايزين نفسح الاولاد بكرة يا بيسو قالي: لا بكرة مش فاضي عندي مشوار واحد صاحبنا عنده المرارة وهيعمل عملية و لازم اروح معاه علشان نعمل التحاليل اللي قبل العملية و..و...و وعملي قصة قلتله: طيب اروح انا عند ماما بقى و لما تخلص ابقى تعالى اتغدى معانا قالي: لا ما انا يمكن اتغدي معاه كمان ناوي على غدا طيب حوقف اللقمة في زورك ان شاء الله ..تاني يوم من الساعة 10 صحي و لبس و نزل مش عارفة ليه بدري كده بس احسن اخدت العيال عند ماما وطلعت على النادي ولقيته مستني في المكان اللي اتفقنا عليه وعمال يتصل برقم الزبونة و انا مش مركبة الشريحة اصلا اتصلت بيه من موبيلي و قلتله انت فين يا بابا هو: ايوة...بزهق... ما انا قلتلك مع صاحبي أنا: طيب انا بس حبيت اقولك اننا رحنا النادي علشان ماما عندها ضيوف هو: اتسرع و اتلجلج و انا شايفاه حط ايده على راسه.. وقالي: نادي ايه؟ قلتله: النادي الفلاني اللي هو نفس النادي بتاع الرونديفوه هو: ليه كده الجو برد العيال حتعيا خديهم و روحي احسن أنا: طيب طيب بس وعنها و ركبت شريحة الزبونة واتصلت بيه
أنا : انوووووووو
هو: انت فين يا جميل الساعة 2 مش تيجي بقى
أنا: انت فين بالظبط
هو: جنب ملعب التنس زي ما اتفقنا
أنا: طيب انا جايه فايف منتس
هو: اوك بحماس منقطع النظير

و رحت واخده بعضي و عملت هجوم مباشر عليه من الخلف وقلتله: بيسوووو انت هنا هو اتلهى و اترزى و بقى عرقه مرقه و قالي انت ايه جابك هنا أنا: انا روحت العيال علشان البرد و قلت اجي الف التراك الله امال فين صاحبك.. وايه التسريحة الجميلة دي؟؟ انت رحت عند الحلاق؟ و صبغت كمان.. >>واو>> > >>صغرت 5 سنين يا مضروب>> > >>هو: الفار لعب في عبه و قالي لا.. اصله.. اصل.. تعالى نروح ناخد العيال و نتغدى بره انا دوست على ريديل وانا واقفة معاه من شريحة الزبونة واستمتعت بوشّه وهو بيجيب الوان والعرق بيفط من سحنته وهو حاسس ان البت جت وحتطب علينا قالي: يلاّ يلاّ الجو برد النهاردة قلتله: مش حترد على التليفون قالي: مش مهم بقى قلتله: طيب استنى حروح التوليت و ارجعلك قالي: طيب و انتهز الفرصة وراح متصل على رقم الزبونة رديت بصوتي الأصلي

أنا: الو
هو: بتردد..........انت فين؟
أنا: ما انا لسة قايلالك رايحة الحمام
هو: ايه.......... بصدمة

أنا: انت لسه معرفتش يا مدهول اني بشتغلك من اسبوع عاملي فالنتينو يا بيسو..>> > >>طيب قبل ما تبص بره بص جوه.. صدق اللي قال زي القرع تمد لبره.. سلام بقى علشان رايحة اقابل الواد بتاعي و طلعتله لساني بمنتهى الانشراح.. اللي يضحك في الاخر هو اللي يضحك اكتر و قفلت التليفون ورحت عند واحدة صاحبتي اتغديت معاها وسبته طول اليوم يضرب روحه تلاتين صرمة

الرسالة اللي الجاية حقولكم عملت فيه ايه بعد كده>> > >>محدش يقولي سيبيه لاني بحبه رغم حركاته القرعة اللي تطهق.. بس.. بحبه